Ouida
Maria Louise Ramé (Bury St Edmunds, Ingalaterra, 1839ko urtarrilaren 1a – Viareggio, Italia, 1908ko urtarrilaren 25a), egunerokoan Marie Louise de la Ramée izena erabili zuena eta literaturan Ouida izengoitiaz ezagunagoa, ingeles idazlea izan zen[1].
| Ouida | |
|---|---|
 | |
| Bizitza | |
| Jaiotzako izen-deiturak | Marie Louise Ramé |
| Jaiotza | Bury St Edmunds, 1839ko urtarrilaren 1a |
| Herrialdea |  Britainia Handia eta Irlandako Erresuma Batua Erresuma Batua |
| Lehen hizkuntza | ingelesa |
| Heriotza | Viareggio, 1908ko urtarrilaren 25a (69 urte) |
| Hobiratze lekua | Bagni di Lucca |
| Heriotza modua | berezko heriotza: pneumonia |
| Hezkuntza | |
| Hizkuntzak | ingelesa |
| Jarduerak | |
| Jarduerak | idazlea eta eleberrigilea |
| Izengoitia(k) | Ouida |
   | |
 | |
Bizitza
aldatu
.jpg){kind=link}
Maria Louise Ramé Suffolk konderriko Bury St Edmunds hirian jaio zen[1]. Aita frantziarra zuen, ama, berriz, ingelesa[2]. Ouida izengoitia Louise izena haurtzaroan ahoskatzen zuen modutik eratorri zuen[3]. 1863an, 24 urtrekin, bere lehen eleberria argitaratu zuen, Held in Bondage[3].
1867an, 28 urte zituela, Londresko Langham hotelera joan zen bizitzera. Bertan, hoteleko publizitatearen arabera, ohean idazten zuen, kandelen argitan, lore morez inguratuta[4][5]. 200 libera ordaintzen zituen astero. Gainera, gau-ekitaldiak antolatzen zituen eta haietara pertsona ospetsuak gonbidatzen zituen, hala nola Oscar Wilde, Algernon Charles Swinburne, Robert Browning, Wilkie Collins eta John Everett Millais[3]. Ouidaren istorio eta pertsonaia asko Langhamera gonbidatzen zituen pertsonengan oinarrituta zeuden[3].
Urte askotan Londresen bizi izan zen, baina 1871 inguruan Italiara joan zen[6]. 1874an Florentzian finkatu zen[1], eta han eleberri asko idatzi zituen. Arrakasta izan arren, ez zuen bere dirua ondo kudeatu[7].
Ouida animalien eskubideen defendatzailea eta bibisekzioaren aurkako aktibista ezaguna izan zen[8]. Larruen salerosketaren eta ehizaren aurka egin zuen[8]. 1897an The New Priesthood: A Protest Against Vivisection saiakera idatzi zuen[9].
Italian bizitzen jarraitu zuen 1908ko urtarrilaren 25ean hil zen arte, Viareggioko Zanardelli kaleko 70. zenbakian, pneumoniak jota[3].
Lanak
aldatu- Held in Bondage (1863)
- Strathmore (1865)
- Chandos (1866)
- Cecil Castlemaine's Gage (1867)
- Idalia (1867)
- Under Two Flags (1867)
- Randolph Gordon and Other Stories (1868)
- Beatrice Boville and Other Stories (1868)
- Tricotrin (1869)
- Puck (1870)
- Folle-Farine (1871)
- A Leaf in the Storm, and other stories (1872)
- A Dog of Flanders (1872)
- Pascarel (1874)
- Two Little Wooden Shoes (1874)
- Signa (1875)
- In a Winter City (1876)
- Ariadne (1877)
- Friendship (1878)
- Moths (1880)
- Pipistrello and Other Stories (1880)
- A Village Commune (1881)
- Bimbi: Stories for Children (1882)
- In Maremma (1882)
- Afternoon (1883)
- Frescoes: Dramatic Sketches (1883)
- Wanda (1883)
- Princess Napraxine (1884)
- A Rainy June (1885)
- Othmar (1885)
- Don Guesaldo (1886)
- A House Party (1887)
- Guilderoy (1889)
- Ruffino and Other Stories (1890)
- Syrlin (1890)
- Santa Barbara and Other Stories (1891)
- The Tower of Taddeo (1892)
- The New Priesthood: A Protest Against Vivisection (1893)
- The Silver Christ (1894)
- The Silver Christ and A Lemon Tree (1894)
- Two Offenders and Other Tales (1894)
- The Nürnberg Stove (1895)
- Toxin (1895)
- Views and Opinions (1895)
- Le Selve and Other Tales (1896)
- An Altruist (1897)
- Dogs (1897)
- Muriella; or, Le Selve (1897)
- The Massarenes (1897)
- La Strega and Other Stories (1899)
- Critical Studies (1900)
- The Waters of Edera (1900)
- Street Dust and Other Stories (1901)
- Helianthus (1908)
- Moufflou and other stories (hil ostekoa, 1910)
Zinemarako moldaketak
aldatu- Moths (1913)
- Strathmore (1915)
- The Little Dutch Girl (1915)
- Under Two Flags (1916)
- Her Greatest Love (1917)
- Two Little Wooden Shoes (1920)
- Under Two Flags (1922)
- A Boy of Flanders (1924)
- In Maremma (1924)
- Flames of Desire (1924)
- A Dog of Flanders (1935)
- Under Two Flags (1936)
- A Dog of Flanders (1960)
- Furandāsu no Inu (1975)
- Romance: Moths (1977)
- Furandāsu no Inu Boku no Patrasche (1992)
- A Dog of Flanders (1999)
Erreferentziak
aldatu- ↑ a b c (Ingelesez) «Ouida» Encyclopædia Britannica (Noiz kontsultatua: 2024-11-17).
- ↑ (Ingelesez) Schroeder, Natalie; Holt, Shari Hodges. (2008). Ouida the Phenomenon: Evolving Social, Political, and Gender Concerns in her Fiction. Newark: University of Delaware Press, 14 or. ISBN 9780874130331..
- ↑ a b c d e (Ingelesez) «The Langham, London» Cosmopolis 2004-02-06 (Noiz kontsultatua: 2024-11-17).
- ↑ (Ingelesez) «Langham Hotels International Launches Avant-garde Loyal Partners Rewards Programme» Hospitality.net 2005-10-02 (Noiz kontsultatua: 2024-11-17).
- ↑ (Ingelesez) «Ouida» Public Statues and Sculpture Association (Noiz kontsultatua: 2024-11-17).
- ↑ (Ingelesez) «The Summer of 1871: Ouida and Wiertz» Prof Andrew King 2012-08-08 (Noiz kontsultatua: 2024-11-17).
- ↑ (Ingelesez) Jordan, Jane; King, Andrew. (2016). Ouida and Victorian Popular Culture. Routledge & CRC Press ISBN 9781138268241..
- ↑ a b (Ingelesez) Hamilton, Susan. (2004). Animal Welfare & Anti-vivisection 1870-1910: Frances Power Cobbe. 1 Routledge, lii-liii or. ISBN 0-415-32142-5..
- ↑ (Ingelesez) Morse, Deborah Denenholz; Danahay, Martin A. (2007). Victorian Animal Dreams: Representations of Animals in Victorian Literature and Culture. , 28 or. ISBN 978-0-7546-5511-4..