A.J. Cook

Cook er fædd og uppalin í Oshawa í Ontario í Kanada. Cook byrjaði dansnám fjögra ára gömul þar sem hún læði jazz-,stepp-og ballettdans. Þegar Cook var sextán ára þá ákvað hún að prufa leiklistina í staðinn fyrir dansinn. Cook er meðlimur Kirkju Jesú Krists hinna síðari daga heilögu sem er stærsta mormónakirkja Bandaríkjanna.^[1] Cook giftist Nathan Andersen árið 2001 og saman eiga þau einn son.

Fyrsta sjónvarpshlutverk Cooks var í auglýsingu árið 1997 fyrir McDonald's. Kom hún síðan fram í þáttum á borð við Goosebumps og PSI Factor: Chronicles of the Paranormal. Árið 2000 var Cook boðið hlutverk í nýjum unglingaþætti sem kallaðist Higher Ground þar sem hún lék á móti Hayden Christensen. Síðan var henni boðið hlutverk í Tru Calling sem Lindsay Walker sem hún lék frá 2003-2004. Cook hefur síðan 2005 leikið eitt af aðahlutverkunum í Criminal Minds sem Jennifer JJ Jareau. Þann 14. júní, 2010, var tilkynnt að Cook myndi ekki koma fram í seríu 6 af Criminal Minds,^[2] en hún myndi koma fram í tveim þættum sem myndu útskýra brotthvarf hennar.^[3] Kom hún síðan fram í seinasta þætti Paget Brewster í seríu 6.^[4] Tilkynnt var þann 16. apríl 2011 að Cook hafi skrifað undir tveggja ára samning við þáttinn.^[5]

Fyrsta kvikmyndahlutverk Cooks var í Laserhawk árið 1997. Árið 1999 þá var Cook boðið eitt af aðalhlutverkunum í The Virgin Suicides þar sem hún lék á móti James Woods, Kathleen Turner og Kirsten Dunst. Lék Cook, Mary Lisbon eina af systrunum í myndinni. Síðan þá hefur hún komið fram í kvikmyndum á borð við Out Cold, Final Destination 2 og Mother's Day.

• Fyrirmynd greinarinnar var „A.J. Cook“ á ensku útgáfu Wikipedia. Sótt 7. nóvember 2011.
• A.J. Cook á IMDb
• A.J. Cook á Criminal Minds heimasíðunni á CBS sjónvarpsstöðinni

• A.J.Cook á IMDb
• A.J. Cook á Criminal Minds heimasíðunni á CBS sjónvarpsstöðinni
• A.J. Cook á Criminal Minds wikiasíðunni