Kongo er namn på to statar i Afrika, som begge har fått namn etter Kongoelva og det tidlegare kongedømmet Kongo:
- Den demokratiske republikken Kongo med hovudstaden Kinshasa, ofte forkorta Kongo-Kinshasa eller DR Kongo. Landet heitte Zaïre i perioden 1971–1997.
- Republikken Kongo med hovudstaden Brazzaville, ofte forkorta Kongo-Brazzaville eller R Kongo.
Kongo har òg vore namnet til fleire tidlegare statsdanningar: Kongeriket Kongo (cirka 1390–1914), Fristaten Kongo (1885–1908), Belgisk Kongo (1908–1960), Republikken Kongo (Léopoldville) (1960–1971) og Folkerepublikken Kongo (1969–1992).
Kongoelva har gitt namn til dei to moderne statane Den demokratiske republikken Kongo (DR Kongo) og Republikken Kongo. Kongoelva er den nest lengste elva i Afrika og den åttande lengste i verda. Størstedelen av elvesystemet ligg innanfor Den demokratiske republikken Kongo. Nedbørfeltet (vist i lyseraudt) er på cirka 3,5 millionar kvadratkilometer (km²).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.