మొదటి పేజీ

మలబార్ తీరం భారత ఉపఖండంలోని నైరుతి ప్రాంతం. ఇది భారతదేశంలో కొంకణ్ నుండి కన్యాకుమారి వరకు విస్తరించి ఉన్న పశ్చిమ తీరప్రాంతాన్ని ఇది సూచిస్తుంది. భౌగోళికంగా, ఇది ఉపఖండంలోని అత్యంత తేమతో కూడిన ప్రాంతాలలో ఒకటి. కర్ణాటకలోని కెనరా ప్రాంతం, యావత్తు కేరళ ఇందులో భాగం. భారతదేశంలో కెల్లా సముద్ర మట్టం నుండి అత్యంత తక్కువ ఎత్తులో ఉన్న కుట్టనాడు, మలబార్ తీరం లోనే ఉంది. కేరళ ధాన్యాగారం అని కూడా పేరున్న కుట్టనాడ్, సముద్ర మట్టానికి దిగువన సాగు చేసే ప్రపంచంలోని కొన్ని ప్రదేశాలలో ఒకటి. హిమాలయాల వెలుపల పశ్చిమ కనుమల్లోని భారతదేశంలో కెల్లా ఎత్తైన ప్రదేశమైన అనైముడి శిఖరం మలబార్ తీరానికి సమాంతరంగా ఉంది. మలబార్ తీరానికి సమాంతరంగా ఉన్న ప్రాంతం పశ్చిమ కనుమలలో ఎత్తైన తూర్పు ప్రాంతం నుండి పశ్చిమాన ఉన్న పల్లపు తీర ప్రాంతం వరకు మెల్లగా వాలుగా దిగుతుంది. తేమతో కూడిన నైరుతి రుతుపవనాలు, భారత ఉపఖండం లోని దక్షిణ భాగానికి చేరుకున్నప్పుడు, దాని స్థలాకృతి కారణంగా, "అరేబియా సముద్ర శాఖ", "బంగాళాఖాత శాఖ" అనే రెండు శాఖలుగా విడిపోతాయి. "అరేబియా సముద్ర శాఖ" మొదట పశ్చిమ కనుమలను తాకుతుంది. ఆ విధంగా నైరుతి రుతుపవనాల నుండి వర్షాలు కురిసే మొదటి రాష్ట్రం అనే విశిష్టత కేరళకు దక్కింది.
(ఇంకా…)