لينين

لينين
معلومات شخصيه
اسم الولاده
الوفاة
سبب الوفاة	نزيف فى المخ
مكان الدفن	ضريح لينين
الاقامه	بودولسك (1900–1900) سانت بطرسبورج موسكو لندن (ابريل 1902–مايو 1903)
مواطنه	الاتحاد السوفييتى (30 ديسمبر 1922–21 يناير 1924)
الطول	165 سنتيمتر
الديانه
الزوج/الزوجه	ناديجدا كروبسكايا (1898–21 يناير 1924)
الام	ماريا الكسندروفنا اوليانوفا
اخوه و اخوات	ماريا ايلينيتشنا وليانوڤا ، والكسندر اوليانوف ، ودميترى ايليتش وليانوڤ ، انا وليانوڤا
الحياه العمليه
المهنه	سياسى [1][2][3]
الحزب	حزب العمل الاشتراكى الديموقراطى الروسى (–1917) الحزب الشيوعى السوفييتى (1918–1924)
اللغه الام	روسى
اللغات المحكيه او المكتوبه
مجال العمل	لينينيه ، وسياسه [4]، شيوعيه [4]
موظف فى	جامعة سانت بطرسبرج الحكوميه
اعمال بارزه	الامبرياليه أعلى مراحل الراسماليه
اتأثر بـ	كارل ماركس ، وفريدريك انجلز ، وجورجى بليخانوف ، والكسندر هيرزن ، وجورج فيلهلم فريدريش هيجل ، وكارل كاوتسكى ، وچوزيف ديتزجين ، جون هوبسون (اقتصادى)
التيار	ماركسيه
الخدمة العسكرية
المعارك والحروب	الثوره الروسيه ، والثوره البلشفيه ، الحرب الاهليه الروسيه
التوقيع
المواقع
IMDB	صفحته على IMDB
تعديل مصدري - تعديل

لينين زعيم روسى سوڤيتى اسمه الكامل ڤلاديمير اليتش اوليانوڤ لينين (روسى: Владимир Ильич Ульянов Ленин |Vladimir Ilyich Ulyanov Lenin|) اتولد يوم 22 ابريل سنة 1870 و مات يوم 21 يناير 1924). كان ثورى روسى, و زعيم الحزب البلشفى و حزب الشغل الاشتراكى الاجتماعى, و اسس المذهب اللينينى السياسى. لينين رفع شعار "الارض و العيش و السلام". كان اول ريس ل الاتحاد السوفييتى بعد الثوره البلشيڤيه اللى قادها سنة 1917.

اتولد واتربى فى مدينة سيمبيرسك ‹Симби́рск› (دلوقتى اوليانوڤسك ‹Улья́новск›) فى روسيا, ابوه كان شغال فى القطاع العام. لينين اتخرج من كلية الحقوق و بعد ما اخد الرخصة اللى تسمحله يشتغل محامى ساب الموضوع و ركز فى الشغل الثورى وفضل يدرس الماركسيه و الشيوعيه و الاشتراكيه والنظريات السياسيه فى مدينة سانت بطرسبورج. فى 7 ديسمبر 1895 اتقبض عليه وفضل فى السجن لمدة سنه و بعدين نفوه لسيبريا اللى كان منفى فيها عدد كبير من المثقفين والسياسيين سواء كانو من انصار الليبراليه او الشيوعيه او الاشتراكيه ان كلهم كانو معاديين للنظام القيصرى وقتها. و هو فى المنفى اتجوز واحده اشتراكيه اسمها ناديجدا كروبسكايا فى يوليه سنة 1898, بعد كدا فى ابريل كتب اول كتبه "تطور الراسماليه فى روسيا" و بعدها رجع روسيا و اصدر جورنال اشتراكى اسمه " اسكرا " و فضل يكتب كتب بتشجع على الشغل الثورى. لينين اختاروه فى سنة 1903 يبقى رئيس الحزب البلشفى و بعد كدا فى سنة 1906 اختاروه يبقى رئيس حزب الشغل الاشتراكى الاجتماعى ولف فى دول اوروبيه تانيه و بعدها بسنة اضطر يسيب روسيا لدواعى امنيه وراح على فينلاندا و كمل هناك الشغل فى السياسيه و الخطب و الندوات اللى بتشجع على الشغل الثورى و الاشتراكيه و الشيوعيه وفضل على اتصال بالحزب و التعاون معاه و هو بره روسيا. لما الثوره الروسيه قامت و شالوا القيصر نيكولاى التانى رجع لينين بالقطر من سويسرا على روسيا فى 16 ابريل سنة 1917 و اصدر جورنال جديد اسمه " پرافدا " او " اطروحة ابريل " و نشر فيها افكاره عن الاداره السياسيه لروسيا. لينين رجع على فينلاندا تانى لما فشلت الثورة العماليه بتاعة يوليه 1917 و اللى كانو قايمين بيها ضد الحكومه المؤقته اللى كانت بتحكم وقتها, و بعد كدا رجع مرة تانيه وقام بثورة مسلحة ضد حكومة " كيرينسكى " المؤقته. فى اكتوبر 1917 و هى الثوره اللى اتعرفت باسم الثوره البلشيفيه او ثورة اكتوبر, وقتها س��طر الحزب البلشفى على البلد ومسك لينين الحكم.

فلسفه سياسيه شيوعيه

تاريخ الشيوعيه '

مدارس الشيوعية ماركسيه · لينينيه شيوعية يساريه · ماركسيه-لينينيه تروتسكيه · ماركسيه تلقائيه شيوعيه اوروبيه · ماويه

' الاتحاد السوفييتي ; الصين كوبا ; فيتنام لاوس · كومونة باريس الثوره البلشفيه

مواضيع ليها صلة اشتراكيه رأسمالية · الحرب الباردة اقصى اليسار · اقتصاد شمولى ماركسيه يساريه ديموقراطيه مركزيه ليبراليه

شيوعيين مشهوريين كارل ماركس · فريدريك انجلز فلاديمير لينين · ليون تروتسكى روزا لوكسيمبورج · جوزيف ستالين · ماو تسى تونج تيتو · جيڤارا فيدل كاسترو ·

بوابة السياسة This box: view talk edit

مسك لينين الحكم و كانت الحرب العالميه الاولى لسه شغاله و روسيا خسرت جزء كبير من ارضيها الغربية فى الحرب وعرف يطلع روسيا باقل خساير ممكنة وحصلت حرب اهلية كبيرا فى روسيا ما بين البلشفه الشوعيين والليبراليين و الاشتراكيين و انصار الحكم القيصرى و اتعرفت باسم الحرب الاهليه الروسيه (من 1917 لحد 1923) اللى اسس فيها لينين الجيش الاحمر و قدر ينتصر على المعارضين والثوار وينفرد بالحكم. لينين كمان صدر افكاره الاشتراكية الثورية بالجيش الاحمر (اللى بقى لقب الجيش السوفيتى الروسى) لما غزا بولندا لما دخلت فى حرب مع اوكرانيا فى سنة 1920. بعد كدا عاز لينين يصدر الثورة لغرب اوروبا ولفرنسا والمانيا بالتحديد, بس محاولاته فشلت عشان الثورات المضادة اللى كانت بتحصل.فى 30 اغسطس 1918 بعد ما لينين خلص اجتماع من اجتمعاته و هو طالع رايح لعربيته قربت منه واحدا اسمها "فانيا كابلان" وناديت عليه ولما بصلها راحت ضربت عليه تلات رصاصات من مسدسها واحدا اصابته فى كتفه والتانيه فى رئته والتالته موصلتلوش. لينين ركز فى مارس 1921 على انه يعمل اصلاحات داخليه فى روسيا و شجع الاعمال الزراعيه والصناعيه الصغيرة والمشروعات الصناعيه و ابتدىء يحصل تحسن اقتصادى فى روسيا بس حصلت ثورة البحارة الروس اللى كانو ساعدوه فى الثوره البلشيفيه وكانوا معه فى الحرب الاهليه الروسيه, بس قالبوا عليه وشافوا ان لينين والبلشفيين بقوا ديكتاتوريين و ان حلم الحرية والديموقراطيه اللى سعدوه لينين انه يقوم بثورته مش بيتحقق فقاموا بثورة ضده و انضموا لليبراليين و بقية معارضين نظام لينين فى الحرب الاهليه ثورة البحارة دى عطلت حاجات كتيره منها الاصلاحات اللى كان بيعملها لينين, وساهمت فى سيطرة الجيش الابيض لاجزاء كتيره فى روسيا و كانت حتوصلهم انهم يستولوا على الحكم لولا تدخل لينين والبلشفيين فى الوقت المناسب. مجهود لينين الجامد وشغله المتواصل و محاولة الاغتيال اثرت على صحته وجيتله جلطه فى مايو سنة 1922 شلّت نصف جسمه اليمين وقللت من مشاركاته السياسية. و على شهر ديسمبر من نفس السنة, جيتله جلطة تانية لينين وقتها امرت الادارة السياسيه ان لينين يبعد عن الاضواء ويقلل مشاركته السياسيه اكتر. فى مارس 1923 جيتله جلطه تالته قعدته فى السيرير وما بقاش يتحرك ولا يقدر يتكلم و فى 21 يناير 1924 جيتله الجلطه الرابعه واللى كانت القاضيه ومات بعدها. كان رجلا مميزا ..

لينين الف كتب كتيير منها:

• تطور الراسماليه فى روسيا
• الامبرياليه اعلى مراحل الراسماليه
• الدولة والثورة

فيه فايلات فى تصانيف ويكيميديا كومونز عن:

لينين