ميكى ماوس

معلومات شخصيه
الحياه العمليه
تأليف
الجنس
المواقع
الموقع	الموقع الرسمى (انجليزى )
	تعديل مصدري - تعديل

ميكى ماوس Mickey Mouse ، شخصيه خياليه من ابتكار والت ديزنى بئت رمز لشركة والت ديزنى.

تاريخ

شخصية ميكى ماوس و هوا فار علا شكل ظريف ابتكره والت ديزنى فى 18 نوفمبر 1928 اللى بئا عيد ميلاد ميكى ماوس. شخصية ميكى ماوس اتطورت من شخصيه بتظهر فى كوميكس و رسوم متحركه لرمز عالمى مشهور.

ابتكار والت ديزنى لميكى ماوس حصل بالصدفه. قبل ما يظهر ميكى ماوس كانت شخصية " اوسوالد الارنب المحظوظ " Oswald the Lucky Rabbit هيا الشخصيه المشهوره فى عالم الكارتون. لكن بسبب الظروف الماليه و رفض الشركه المنتجه لدفع ميزانيه كبيره لانتاج افلامه زغل والت ديزنى و بطل رسم الارنب المحظوظ اللى كان بيرسمه لكن ماكانش بيمتلك حقوق انتاجه. والت ديزنى انشأ ستوديو خاص بيه عشان ما يربطش نفسه بالمنتجين و يقدر يتخلص من تحكمهم فيه ، و ابتدا يفكر فى شخصيه من الحيوانات اللى ممكن يسعد بيها الاطفال ، لغاية ما الفار اللى كان عنده فى البيت اوحا له بشخصية ميكى ماوس. رسام الاستوديو هيو هارمان Hugh Harman رسم فار لوالت ديزنى ، و استوحا رسام تانى اسمه اوب ايوركس Ub Iwerks الرسم و قرر انه يرسم شخصيه فار اسمه " مورتيمر ماوس " Mortimer Mouse ، و ده كان الاسم الاصلى بتاع ميكى ماوس قبل ما مرات والت ديزنى تنصحه بإنه يغير اسمه لميكى ماوس فأخد بالنصيحه و ظهر الفار بالاسم الجديد اللى پئا من اشهر الاسامى فى العالم.