Carys Eleri

Carys Eleri
Ganwyd	21 Gorffennaf 1982  Caerfyrddin
Dinasyddiaeth	Cymru
Alma mater	Ysgol Gyfun Maes-yr-Yrfa
Galwedigaeth	actor, canwr, cyflwynydd teledu, llenor, cyfansoddwr

Mae Carys Eleri (ganwyd 21 Gorffennaf 1982) yn actores, cantores, ysgrifenwraig, cyfansoddwraig a chyflwynydd o Gymru.

Ganwyd Carys Eleri Evans yn Nghaerfyrddin, Sir Gaerfyrddin, yn ferch i David Evans a Meryl (nee James). Mae ganddi un chwaer, Nia Medi. Bu farw ei thad David ar 9 Awst 2018 o Glefyd Motor Neurone. Magwyd Carys yn y Tymbl a mynychodd Ysgol Gyfun Maes yr Yrfa.

Cafodd Carys Eleri lwyddiant mawr yn yr Eisteddfodau. Fe wnaeth ennill y wobr gyntaf yn Eisteddfod Genedlaethol yr Urdd bro'r Preseli (1995), yn 12 mlwydd oed, yn fuddugol yn y llefaru unigol dan 15 oed. Y flwyddyn ganlynol yn Eisteddfod Genedlaethol yr Urdd Bro Maelor (1996) enillodd Gystadleuaeth Siarad Unawd ar y testun "Eira".

Yn 2019, perfformio sioe gomedi wyddonol a cherddorol un fenyw o'r enw "Lovecraft (Not the *** shop in Cardiff)". Cafodd ganmoliaeth mawr gan gynnwys ennill gwobr y Cabaret Gorau yng Ngŵyl Ymylol Adelaide yn Mawrth 2019.^[1][2]

Mae wedi'i henwebu ddwywaith am wobr BAFTA Cymru am yr Actores Orau a'r Cyflwynydd Gorau. Yn 2013 enillodd y Norman Beaton Fellowship gydag adran ddrama BBC Radio 4. Mae hi wedi cael gyrfa helaeth yn y theatr a theledu yng Nghymru. Mae'n gantores ac yn aelod o Late Night Pop Dungeon Charlotte Church.

Yn 2021, rhyddhaodd ei chyfrol hunangofiannol Dod Nôl At Fy Nghoed,^[3] sy'n adlewyrchu colled enbyd ei thad i Glefyd Motor Neurone yn 2018 a'i ffrind gorau i ganser y pancreas yn 2019.

Yn ystod y Cyfnod Clo yn y flwyddyn 2020, aeth Carys Eleri i ysgrifennu, chyfansoddi a recordio albwm o'r enw "An Unexpected Pandemic Pop Album Volume 1. Let's hope there's no Volume 2. Enough Volume"^[4] sy'n cynnwys saith trac am wallgofrwydd un fenyw ym mhob cyfnod clo.

• Trac 1 - Fat 'n' Clean - Daeth y gân hon fel bollt o fellt, tua phythefnos i mewn i'n cyfnod clo cyntaf erioed. Roedd yn siarad hefo ffrind a dywedodd "byddwn ni i gyd yn dew cyn hir - o fwyta bwyd sothach a dim un lle i fynd - ond byddwn ni gyd yn lân.
• Trac 2 - Beyond the Fence - Cân am cwympo mewn cariad hefo cymydog sydd newydd symud mewn a'r ddechrau y cyfnod clo.
• Trac 3 - He Dumped Me on Zoom^[5] - Roedd pob peth yn cael ei wneud ar Zoom, ar cariad newydd yn ei gadael ar Zoom!
• Trac 4 - I love Nature Now^[6] - Cwympo mewn cariad hefo coeden!
• Trac 5 - Water Closet^[7] - Cân ddoniol am ferched yn defnyddio'r 'Water Closet'!
• Trac 6 - Fat n Keen -
• Trac 7 - Meteor -

• Studs (2025 - Julie)
• Mabinogi-Ogi (Boom Cymru), (2022 i 2025 -5 Pennod (Cymeriadau - Gelert, Jamima Nicholas, Caradog Fraichfawr, Gwalchmai A'r Marchog Gwyrdd, Trystan Ac Esyllt)
• Pobol y Cwm (BBC Cymru) (2022 i 2024- Di Fielding)
• Y Sŵn (2023 - Nerys)
• The Loneliest Boy in the World (2022 - Mam Mitch)
• Save the Cinema (2022 - Cari Jenkins)
• The Toll (2021 - Betty)
• Parch (2015 - 2018 - Myfanwy)
• Destination, Ffilm fer (2017 - Lisa)
• Fire in My Heart, ffilm fer (2017 - Menyw)
• Under Milk Wood (2015 - Lily Smalls)
• Agatha Christie: Ordeal by Innocence (2014 - Tina)
• Jonsey (2014 - Shannon)
• Educator (2014 - Katie)
• Alys (2012 - Lilo)
• Dragon Crusaders (2011 - Witch of Caer 'lo)
• Sherlock Holmes (2010 - Troslais ychwanegol)
• Merlin and the War of the Dragons (2008 - Lady Viviane)

• Age of Outrage (2020 - 'Dual Flush' Cerddoriaeth a Geiriau)