James Watt

**James Watt**
James Watt
	Lukisan James Watt (1736–1819); by Carl Frederik von Breda
Lahia	19 Januari 1736; Greenock, Renfrewshire, Skotlandia
Maningga	25 Agustus 1819 (umua 83); Handsworth, Birmingham, Inggirih
Tampek tingga	Glasgow, Skotlandia, pindah ka Handsworth, Inggris
Kabangsaan	Urang Skotlandia
Bidang	Insinyur Masin
Institusi	Universitas Glasgow; Boulton and Watt
Dikana dek	Masin uok Watt ; Kondensor tapisah ; Garak paralel ; Sun and planet gear (jo William Murdoch) ; Centrifugal governor ; Diagram indikator (jo John Southern)
Dipangaruahi	Joseph Black; Adam Smith; John Robison (ahli fisika); John Roebuck; James Keir
	Tando tangan;

Untuak satuan nan diagiah namo manuruik tokoh ni, caliak watt.

James Watt (lahia di Greenock, Skotlandia, 19 Januari 1736 – maningga di Birmingham, Inggris, 19 Agustus 1819 pado umua 83 taun) iolah surang insinyur, ahli kimia jo urang bisnis dari Skotlandia, Britania Raya. Kaluarganyo bakarajo di bidang kapa jo pambangunan rumah. James Watt manarimo pandidikan di rumah sabalun mamulai pandidikan di sikolah. Minaik baraja utamonyo di bidang matematika.

James Watt mulai bakarajo sabagai teknisi pambuek pakakeh listrik pado umua 18 taun. Pado taun 1755, inyo mamulai magang untuak manjadi insinyur di London. James Watt mulai bakarajo sabagai ahli kimia pado taun 1769 katiko manyamparonokan masin uok buatan Thomas Newcomen. Asia panyamparonoannyo babantuak masin uok jo kondensor nan tapisah. Karano masin uok buatannyo basipaik ringkeh jo efisien, James Wat manjadi tanamo di masyarakaik Inggirih.

James Watt partamo kali manikah taun 1773 sarato mampunyoi 2 urang anak. Kudian inyo manikah baliak taun 1776 katiko bini partamonyo maningga. Panikahan kaduonyo mandapek duo urang anak tapi maningga di umua mudo.

James Watt mamulai bisnis jo mandirikan parusahoan banamo The Soho Engineering Foundry di Glasgow pado taun 1796. Parusahoan iko mamproduksi gadang-gadangan masin uok buatannyo inggo mulo abaik ka-19 M. James Watt manjua masin uoknyo manuruik satuan dayo kudo nan talok diaasiakannyo. Satuan iko ditatapkan dek inyo. Masin uok buatan James Watt alah maawali Revolusi Industri nan badampak jo dimulainyo panamuan listrik.

James Watt maningga di Birmingham pado umua 83 taun. Namonyo dijadikan sabagai namo satuan dayo yaitu Watt sabagai tando horomaik ateh panamuan masin uok. Satuan iko digunokan pado dayo masin ataupun dayo listrik.

Rujuakan

↑ Bagopun banyak sumber-sumber tapicayo manyabuik tanggal maningganyo 19 Agustus 1819, sadoalah laporan kontemporer malporan baso inyo maningga pado 25 Agustus dan dikubua pado 2 September. Tanggal 19 Agustus muncua dari biografi The Life of James Watt (1858, h. 521) dek James Patrick Muirhead. Hal iko (nan dianggap) sah dari fakta baso Muirhead adolah kamanakan Watt dan karanonyo musti mandapek informasi nan cukuik. Dalam dokumen Muirhead, tanggal 25 Agustus disabuikkan di tampek lain. Tanggal tarakhia disabuikkan pulo dalam laporan surek kaba kontemporer (misalnyo, halaman 3 The Times tanggal 28 Agustus) sarato dalam ringkasan dan codicil surek wasiat tarakia Watt. (Dalam daftar pamakaman Gareja St. Mary tanggalnyo indak disabuikan)

Artikel batopik biografi tokoh ko baru babantuak rancangan. Sanak dapek mambantu Wikipedia mangambangannyo.

[deathdate-1] Bagopun banyak sumber-sumber tapicayo manyabuik tanggal maningganyo 19 Agustus 1819, sadoalah laporan kontemporer malporan baso inyo maningga pado 25 Agustus dan dikubua pado 2 September. Tanggal 19 Agustus muncua dari biografi The Life of James Watt (1858, h. 521) dek James Patrick Muirhead. Hal iko (nan dianggap) sah dari fakta baso Muirhead adolah kamanakan Watt dan karanonyo musti mandapek informasi nan cukuik. Dalam dokumen Muirhead, tanggal 25 Agustus disabuikkan di tampek lain. Tanggal tarakhia disabuikkan pulo dalam laporan surek kaba kontemporer (misalnyo, halaman 3 The Times tanggal 28 Agustus) sarato dalam ringkasan dan codicil surek wasiat tarakia Watt. (Dalam daftar pamakaman Gareja St. Mary tanggalnyo indak disabuikan)

[1]