AT-X

Anime Theater X (AT-X)

Uri	Telebisyong Bayaran
Bansa	Hapon
Islogan	No. 1-ranked Anime Specialty Channel
Headquarters	Minato, Tokyo
Parent	TV Tokyo
(Mga) pangunahing tauhan	Keisuke Iwata, Pangulo
Petsa ng unang pagpapalabas	24 Disyembre 1997
(Mga) Tatak pantawag	AT-X
Kahulugan ng tatak pantawag	Anime Theater X
Opisyal na websayt	www.at-x.com

Ang AT-X (アニメシアターX, Anime Shiatā Ekkusu, lit. "Anime Theater X") ay isang pan-telebisyon na anime network na pagmamay-ari ng AT-X, Inc. (株式会社エー・ティー・エックス, Kabushiki kaisha Ē-Tī-Ekkusu) at matatagpuan sa bansang Hapon. Itinatag ang AT-X, Inc. noong 26 Hunyo 2000 bilang nasasakupan ng TV Tokyo Medianet, na kung saan ay nasasakop din ng TV Tokyo (TXN). Matatagpuan ang punong himpilan sa Minato, Tokyo. Ang AT-X ay nagsasahimpapawid ng mga anime sa pamamagitan ng satellite at cable simula pa noong 24 Disyembre 1997.

Ang kanilang islogan ay Wan ranku ue no anime senmon chan'neru (ワンランク上のアニメ専門チャンネル, lit. "No. 1-ranked Anime Specialty Channel").

AT-X ang laging pangunahing estasyon sa maraming adaptasyon ng Comic Gum sa anime. Ang mga palabas na Ikkitousen, Amaenaideyo!! at Fight Ippatsu! Juuden-chan! ay unang nilabas sa estasyon na ito, bago pa man ito maipalabas muli sa Tokyo Metropolitan Television (Tokyo MX).^{[kailangan ng sanggunian]}

Bilang isang telebisyong bayaran, ito rin ay kilala sa pagpapalabas ng mga kabanatang uncensored ng iilan sa mga anime na tulad ng Fight Ippatsu! Jūden-chan!!, Amaenaideyo!!, Girls Bravo, Elfen Lied, Mahoromatic at High School DxD na kadalasan ay nagiging censored sa mga estasyon tulad ng TV Tokyo dahil sa bilang ng kahubaran at iba pang mga kadahilanan.^{[kailangan ng sanggunian]}

• 24 Disyembre 1997 - Nagsimula ang pagpapalabas sa DirecTV.
• 30 Nobyembre 1998 - Ang Bandai Chara Net TV (kung saan ipinapalabas ang AT-X) ay nagsara dahilan ng pagwakas ng SkyPort, ang kanilang probidor ng satellite. Lumipat ang AT-X sa satellite na "SuperBird C".
• 1999 - Nagsimula ang pagpapalabas sa "DIAMOND TIME", ang pinakaunang palabas na kanilang ginawa.
• 26 Hunyo 2000 - Itinatag ang AT-X Inc.
• 30 Setyembre 2000 - Pagtigil ng DirecTV sa mga operasyon nito sa Hapon.
• 1 Oktubre 2000 - Pagkupkop ng Sky! PerfecTV sa AT-X.
• Mayo, 2001 - Figure 17, ang pinaka-unang anime na pinondohan ng AT-X ay nagsimulang ipalabas.
• 2002 - Sinimulan ng Sky! PerfecTV 2 ang pagsasahimpapawid ng AT-X.
• 26 Enero 2004 - Simula ng "AT-X SHOP", ang kanilang online na tindahan.
• 12 Hulyo 2005 - Inilabas ang mobile version ng tindahan.
• 1 Abril 2009 - Tinaas ang buwanang bayad sa 1890 yen. Sinimulan ang 24-oras na pagsasahimpapawid.
• Hunyo, 2009 - Itinalaga si Keisuke Iwata ng TV Tokyo bilang pangulo ng kompanya.
• 1 Oktubre 2009 - Sinimulan ng SKY HD! ang pagsasahimpapawid ng AT-X HD.
• 1 Nobyembre 2009 - Sinimulan ng Hikari TV ang pagsasahimpapawid ng AT-X HD.
• 27 Enero 2010 - Nagpalit ng aspect ratio ang Sky! e2 mula 4:3 patungong 16:9 habang pinapanatili ang Standard Definition.
• 1 Oktubre 2011 - Sinimulan ng J:COM ang pagsasahimpapawid ng AT-X HD.
• 1 Oktubre 2012 - Inorganisa ang kaayusan ng pagsasahimpapawid ng AT-X.
• Disyembre, 2012 - Ang AT-X ay sumali sa Association of Copyright for Computer Software (ACCS), upang sikapin na matanggal ang kanilang mga video mula sa Internet.^[1]
• 28 Pebrero 2013 - Pagwakas sa lahat ng mga pagsasahimpapawid sa SD, upang mabuo ang transisyon patungong HD.
• 18 Abril 2013 - Ipinalabas ng AT-X ang pinaka-una nitong seryeng banyaga sa wikang Hapon; My Little Pony: Friendship Is Magic
• 29 Nobyembre 2013 - Closure of the "AT-X SHOP" online store.^[2]
• 17 Abril 2015 - Pagsarado ng "AT-X SHOP".
• 24 Disyembre 2017 - Pagdiriwang sa ika-20 anibersaryo at panibagong linya ng mga anime na ipapalabas sa taong 2018.

• Opisyal na website (sa Hapones)
• AT-X sa ensiklopedya ng Anime News Network (sa wikang Ingles)