Matemàtega

Ła matemàtega o anca matemàtica (dal greco μάθημα siensa o saver; μαθηματικóς, omo che vołe conóser) ła xe ła parte del saver che descrive łe règołe del mètodo par catar concluxion da asiomi e definision. Seben a lòxica anca studia el pensier, ła matemàtega xe na scianta diversa, parché ła studia problemi de cuantità, estension e figure spasiałi. Ła matemàtega no ła xe na siensa cofà ła fixica, ła chimega, ła biołozia o ła giołozia parché cueste łe xe siense indutive, e ła matemàtega ła xe dedutiva.

Le disipline prinçipali svilupade rento de la matemàdega le ze nasue da la neçesità de ezeguire càlcoli intel comercio, de capir i raporti fra i nùmari, de mizurare la tera e de prevédare eventi astronomici. Questi quatro bizogni i poe essar colegai aprosimativamente con la sudivizion de la matemàdega intel studio so la quantità, so la strutura, so lo spàsio e sol canbiamento (cioè, aritmètega, àlzebra, zeometria e analizi matemàtega). Oltre a ste qua, ghe ze altre sudivision come la lozica, la teoria dei insiemi, la matemàtega enpirica de varie siense (matemàtega aplicada) e pi resentemente al studio rigorozo dell'incertesa.

• Limite
• Insieme denso
• Połinomi ortogonałi
• Teorema de enumerassion de Chomsky–Schützenberger

• Wikimedia Commons el detien imàjini o altri file so matemàtega
• Scholia el detien schemi gràfeghi so Matemàtega