Amharera
| Amharera | |
|---|---|
| አማርኛ | |
.png) | |
| Datu orokorrak | |
| Lurralde eremua | Etiopia, Israel, Ipar Amerika |
| Hiztunak | lehen hizkuntza: 32 milioi bigarren hizkuntza: 26 milioi gehiago |
| Rankinga | 55.a |
| Ofizialtasuna | Etiopia |
| Araugilea | Ez du |
| Hizkuntza sailkapena | |
| giza hizkuntza afroasiar hizkuntzak Hizkuntza semitikoak South Semitic (en)  Ethiopian Semitic (en) | |
| Informazio filologikoa | |
| Hizkuntza-tipologia | SOV hizkuntza, vowel harmony (en) , adjective-noun (en) , hizkuntza fusionatzailea, hizkuntza sintetikoa, postposizioa, azentua eta nominatibo-akusatibo hizkuntza |
| Denbora gramatikalak | orainaldia, lehenaldia eta geroaldia |
| Genero gramatikalak | genero maskulinoa eta genero femeninoa |
| Alfabetoa | etiopiar alfabetoa |
| Hizkuntza kodeak | |
| ISO 639-1 | am |
| ISO 639-2 | amh |
| ISO 639-3 | amh |
| Ethnologue | amh |
| Glottolog | amha1245 |
| Wikipedia | am |
| Linguasphere | 12-ACB-a |
| ASCL | 9214 |
| IETF | am |
Amharera[1] (amhareraz: አማርኛ, amarəñña) Etiopia ipar-erdialdeko hizkuntza da, bertako bost hizkuntza nazionaletako bat, eta estatuko ofiziala de facto, oromoera ama kizkuntzatzat dutenak gehiago diren arren. Landa eremuko herritarren eta hiritarren arteko lingua franca ere bada[2].
Hedadura
[aldatu | aldatu iturburu kodea]Hizkuntza semitikoen artean, bigarren mintzatuena da, arabieraren atzetik[3] eta hebreeraren aurretik. 32 milioi pertsonak dute ama hizkuntzatzat, baina bigarren hizkuntzatzat dutenak gehituz gero, kopurua 58 milioira iristen da [4].
Etiopian ez ezik, handik kanpo bizi diren 2,7 milioi pertsonak ere hitz egiten dute, besteak beste, Egiptora, Israelera edo Suediara emigratu zuten etiopiarrek.
Eritrean ere mintzatua da, Etiopiatik deportatu zituzten eritrearrek eramanda, hain zuzen.
Rastafari askok ikasten dute, hizkuntza sakratutzat jotzen baitute, jatorrizko lehena ere delakoan.
Idazkera
[aldatu | aldatu iturburu kodea]Ge'ez hizkuntzarenetik egokituriko abugida grafia-sistema darabil[5]. Ezkerretik eskumara idazten da. Ez dago amhareratik latindar alfabetora itzultzeko sistema bakar bat.
Adibidea
[aldatu | aldatu iturburu kodea]Giza Eskubideen Aldarrikapen Unibertsaleko I. artikulua:
- የሰው ፡ ልጅ ፡ ሁሉ ፡ ሲወለድ ፡ ነጻና ፡ በክብርና ፡ በመብትም ፡ እኩልነት ፡ ያለው ፡ ነው ፡ የተፈፕሮ ፡ የማስተዋልና ፡ ሕሊናው ፡ ስላለው ፡ አንዱ ፡ ሌላውን ፡ በወንድማማችነት ፡ መንፍስ ፡ መመልከት ፡ የገባዋል ።
- Yäsäw leje hulu siwäläd näts'ana bäkəbrəna bämäbtəm əkulenät yaläw näw yätäfäpro yämastäwalenna həlinaw səlaläw andu lelawn bäwändmamačənät mänfəs mämälekät yägäbawal.
Anton Abadiaren hiztegia
[aldatu | aldatu iturburu kodea]Anton Abadia esploratzaile irlandar-euskaldunak 1837an anaiarekin batera Etiopiara egin zuen bidaia, hango ohiturak ikasi nahian. Hizkuntzarekiko interes berezia azaldu zuen eta 15.000 hitz biltzen zituen amharera-frantses hiztegia sortu zuen[6], Dictionnaire de la langue Amariñña (1881)[7], mota horretako aurrenekoa eta gerora esploratzaile ugarik erabili zutena.
Erreferentziak
[aldatu | aldatu iturburu kodea]- ↑ 53. araua - Munduko estatuetako hizkuntza ofizialak. Euskaltzaindia (Noiz kontsultatua: 2010-12-19).
- ↑ Meyer, Ronny. (2011). The Role of Amharic as a National Language and an African lingua franca. In Stefan Weninger (ed.). The Semitic Languages. Berlin: De Gruyter Mouton, 1212–1220 or..
- ↑ (Ingelesez) Ethiopia. Central Intelligence Agency 2023-02-03 (Noiz kontsultatua: 2023-02-09).
- ↑ (Ingelesez) «Amharic» Ethnologue (Noiz kontsultatua: 2023-02-09).
- ↑ (Ingelesez) Adugna, Gabe. «Research: Language Learning - Amharic: Home» library.bu.edu (Noiz kontsultatua: 2023-02-09).
- ↑ Abbadie, Antoine d' (1810-1897). «Papiers d'Antoine-Th. d'Abbadie (1810-1897)» CALAMES et Wikipedia (Noiz kontsultatua: 2023-02-09).
- ↑ (Frantsesez) Abbadie, Antoine d'. (1881). Dictionnaire de la langue amariñña. F. Vieweg (Noiz kontsultatua: 2023-02-09).
Kanpo estekak
[aldatu | aldatu iturburu kodea]
Datuak: Q28244
Multimedia: Amharic language / Q28244
|
Artikulu hau hizkuntzei buruzko zirriborroa da. Wikipedia lagun dezakezu edukia osatuz. |