ადამიერიშ გოვითარაფაშ ინდექსი

ადამიერიშ წუმოძინაშ ინდექსი (ინგლ. Human Development Index - (HDI)) — მოსოფელიშ არძა ქიანაშო წჷმარინუანს ინდიკატორს თიშ წუმოძინაშენ დო თინა აკმაშქვანს თე წუმოძინაშ თიჯგურა ოზჷმალეფს, მუჭომით რე: თელარაშ ოშქაშე მუდანობა; გონათუაშ დონე დო ედომუშამი დინოხოლენი პროდუქტი ართ შურ მახორუშა გოანგარიშაფათ. ადამიერიშ წუმოძინაშ ინდექსი გოეროშით აღიარაფილი რე ადამიერული წუმოძინაშ გოთანჯუაშ სტანდარტულ საშუალებათ.

ადამიერიშ წუმოძინაშ ინდექსიშ თარი დოშანაფა რე გოთანჯას ქიანაშ ადამიერული წუმოძინაშ დონე, ნამუთ თაშნეშე თი ბუნას გჷთმოთანჯუნს, ნამუსჷთ თე ქიანა ორხველუნ - წუმოძინაფილი, წუმოძინაფონი ვარ-და დაბალწუმოძინელი ქიანეფიშ ბუნას. ზოგადო, „ჰუმანური წუმოძინა“ — თენა რე კონცეფცია, „გოართოიანაფილი ერეფიშ წუმოძინაშ პროგრამაშ“ (UNDP) მეჯინათ, ოხუ ადამიერეფიშ შილებუამობეფიშ ძინაშ პროცესის, მიშნაველეფიშ ძინას, დოსაქვარუას, გონათუაშ მიოღებელო უჯგუში პიკალეფიშ აკოქიმინუას, ჯანთხილუას დო თ.უ.

საინტერესო რე, ნამჷ-და თე ინდექსი 1980 წანას აკიმუშეს პაკისტანარ ეკონომისტიქ — მაჰბუბ ელ ჰაქიქ დო სერ რიჩარდ ჯოლიქ. თიშ უკული, „გოეროშ წუმოძინაშ პროგრამა“ მუშ ირწანურ „ადამიერული წუმოძინაშ ანგარიშის“ გჷმირინუანს თე ინდექსის.

ადამიერიშ წუმოძინაშ ინდექსი დჷთმადგინანს კრიტერიუმეფს დო მოძირანა თე კრიტერიუმეფიშ მეჯინათ თუ ნამ ეშალსი რეთე თუ თი ქიანა. თე ირფელი გჷმოხანტილი რე მაძირაფალეფით 0-შე 1-შა.

• World Rank — Human development index
• Human Development Report Office
• 2007/2008 Report. Human development index

1. ↑ Human Development Report 2019 – "Human Development Indices and Indicators" pp. 22–25. HDRO (Human Development Report Office) United Nations Development Programme. კითხირიშ თარიღი: 9 December 2019.